کد QR مطلبدریافت صفحه با کد QR

داعشیان پر طالب بندیانو د برید پلان لري

23 اسد 1399 ساعت 10:00

 «د مستندو او استخباراتي اطلاعاتو» پر بنسټ، داعشیان غواړي پر هغو طالب بندیانو برید وکړي چې له پلچرخي بندخونې نه خوشې کېږي.
د طالبانو په خبرپاڼه کې چې څو ساعته مخکې خپره شوه، لیکل شوي چې داعش ډله به دغه برید د ملي امنیت ریاست او د پلچرخي زندان د پولیسو قومانداني په همکاري وکړي.
طالبانو ویلي چې د دغه برید موخه د سولې پروسې پر وړاندې خنډ جوړول دي.
د طالبانو خبرپاڼه داسې مهال خپرېږي چې ټاکل شوې د دولت مرکچي پلاوی په راتلونکو دوو ورځو کې دوحې ته ولاړ شي.



د دولت د سولې مرکچي پلاوي یوه غړي نن وویل چې بین‌الافغاني خبرې اترې به د روانې اګېسټ میاشتې په شپاړسمه نېټه پیل شي.
د طالب ډلې ویاند ذبېح‌الله مجاهد هم پرون یوې رسنۍ ته ویلي و چې د بین‌الافغاني خبرواترو د پیل لپاره بشپړ تیاری لري او د ۴۰۰ طالب بندیانو له خوشې کولو وروسته به پیل شي.
نوموړي ویلي و چې ښايي د سولې خبرې اترې د پردې شا ته وشي؛ ځکه په وینا یې، د دې پروسې مخالفان ښايي له خنډ سره یې مخ کړي.
هغه په مشخص ډول د سولې پروسې په مخالفت کې د کوم چا یا ډلې نوم نه دی یاد کړی.
افغان دولت تر اوسه د طالب ډلې د خبرپاڼې په اړه څه نه دي ویلي.


د مطلب کود: 216657

دمطلب پته :
https://www.avapress.com/ps/news/216657/داعشیان-پر-طالب-بندیانو-د-برید-پلان-لري

آوا
  https://www.avapress.com