کابل ته د طالبانو د راتګ د ۲۴ مې کلیزې په ورځ د کابل په شمال کې سلګونو کسانو د دې ډلې پر ضد لاریون وکړ.
کابل ته د طالبانو د راتګ ۲۴ مه کلیزه؛ سلګونه کسانو یې پر ضد لاریون وکړ
د صدای افغان خبری آژانس(آوا) , 5 میزان 1399 ساعت 17:11
کابل ته د طالبانو د راتګ د ۲۴ مې کلیزې په ورځ د کابل په شمال کې سلګونو کسانو د دې ډلې پر ضد لاریون وکړ.
د ۱۳۷۵ لمریز کال د میزان په پنځمه نېټه د برهان الدین رباني د حکومت په شاتګ سره وسله والو طالبانو کابل ونیوه او پنځه کاله یې حکومت وکړ.
په داسې حال کې چې د قطر په بلازمېنه دوحه کې د حکومت او طالبانو د مرکچي پلاویو تر منځ د سولې د بیت الافغاني خبرو په کړنلاره بحثونه کېږي، د کابل په شمال کې سلګونو کسانو کابل ته د طالبانو د راتګ د ۲۴ یمې کلیزې په ورځ د دې ډلې پر ضد لاریون وکړ.
لاریون کوونکو اجبارې کډه کېدو ته د شمالي د خلکو اړ کېدل او په سېمه کې د انګورو تاکونو له منځه وړل د طالبانو لخوا جنایت وباله او پرضد یې شعارونه ورکړل.
د لاریون یو تن سمبالوونکي محمد سالم وویل: "د ۱۳۷۵ لمریز کال د میزان په پنځمه نېټه کله چې طالبانو شمالي ونیوه، لومړنی کار یې د ونو پرېکول و، وروسته یې کار پر یوې سوځېدلې ځمکې د سیاست پلي کول وو، د ماشومانو او مېرمنو وژلو باندې یې لاس پورې کړ، مونږ هېڅکله هغه ورځې نه شو هېرولی، طالب یوه تروریستي او جنایتکاره ډله ده."
د مطلب کود: 219605