په اروزګان ولايت کې سيمه ييزې سرچينې وايي، په دغه ولايت کې د هاوان مرمۍ د چاودیدلو له امله دوه ماشومان وژل شوي دي.

آوا: د اروزګان ولایت د امنیې قومندانۍ ویاند آغاولي قریشي نن دوشنبه د اسد ۳مه وویل چې دا پېښه تېره ورځ د اروزګان ولایت د خاص ولسوالۍ په ششپر کلي کې رامنځته شوې ده.
 
دا په داسې حال کې ده، چې په نورو ولایتونو کې هم له جګړې څخه د پاتې شوو هاوان مرمۍ چاودنې وخت پر وخت قرباني اخلي او د دغو پېښو ډېری قربانیان هغه ماشومان دي، چې له دې جنګي مهماتو سره بلد نه دي.