د افغانستان لپاره د امریکا ځانګړي استازي د یوه ټویټ په خپرولو سره د هرات ولایت په ګازرګاه جومات کې د پروني برید د غندلو ترڅنګ د دغې چاودنې د عاملینو د پېژندلو او محاکمې غوښتنه کړې ده.

آوا: د افغانستان لپاره د امریکا ځانګړي استازي توماس ویسټ په یوه ټویټ کې د قربانیانو له کورنیو سره خپله خواخوږي څرګنده کړې او ویلي یې دي:«موږ دغه بې رحمانه ترهګریز عمل غندو او د عاملینو د محاکمې غوښتنه کوو».
 
دا په داسې حال کې ده چې د جمعې په ورځ د سنبلي په ۱۱مه د هرات د ګازرګاه جومات ته څېرمه په ځانمرګي برید کې د هرات د ګازرګاه جومات خطیب مولوي مجیب الرحمن انصاري او ۴۵ تنه نور ووژل شول.