د بلخ سیمه ییز چارواکي وايي، د بلخ ولایت د مزار شریف - شبرغان پر لویه لار د دوو موټرونو د ټکر له امله ۴ تنه مړه شوي او ۳ نور ټپیان دي.

آوا: د بلخ د پولیسو ویاند محمد آصف وزیري آوا ته وویل: دغه پیښه نن (چهارشنبه، عقرب ۴) د بلخ ولسوالۍ د باغ اوراق په سیمه کې رامنځ ته شوې ده چي د مزار- شبرغان پر لویه لار د هایلکس او سراچې ډوله موټر د ټکر له امله پېښه شوې ده.
 
د هغه په ​​وينا، په وژل شويو کې يو ماشوم او يوه ښځه هم شامله ده.
 
وزيري زياته کړه، چې ټپيان روغتون ته لېږدول شوي او روغتيايي حالت يې د اندېښنې وړ نه دى.
 
د بلخ د امنيې قوماندانۍ وياند د دغې پېښې لامل د موټر چلوونکو بې احتياطي بولي.