د پخواني رژیم د ملي مصالحې عالي شورا مشر ډاکټر عبدالله عبدالله په کابل کې د ایران د اسلامي جمهوریت له سفیر ښاغلي بهادر امینیان سره وکتل.

آوا - کابل: په دې کتنه کې ډاکټر عبدالله عبدالله د افغانستان له خلکو سره د ایران د اسلامی جمهوریت د بشردوستانه مرستو او د ایران له خوا د افغان کډوالو د منلو له امله مننه وکړه.
 
ښاغلي امینیان د دواړو هېوادونو اوږدمهاله او تاریخي اړیکو ته په اشارې سره وویل، ایران د تېر په څېر د افغانانو تر څنګ ولاړ دی او هر څومره چې امکان لري له افغانانو سره مرسته کوي.
 
د یادولو وړ ده چې په تیرو څو کلونو کې د دښمنانو د ډبرو له ګوزارونو سره سره د ایران له اسلامي جمهوریت سره د افغانستان اړیکې په بیلابیلو وختونو کې دوستانه او د ښه ګاونډیتوب پر بنسټ ولاړې دي.