په دې وروستیو کې د افغانستان د بیارغونې لپاره د امریکا ځانګړي مفتش (سیګار) ویلي چې اشرف غني په یوه خیالي ځمکه کې ژوند کاوه.

آوا - کابل: د افغانستان د بیارغونې لپاره د امریکا ځانګړی سرمفتش (سیګار) چې په دې وروستیو کې یې د افغان حکومت د سقوط لاملونه څېړلي، په افغانستان کې د امریکا د پخواني سفیر مایکل مکینلي له خولې ویلي چې ولسمشر غني د واقعیتونو څخه لیري او په یوه خیالي ځمکه کې ژوند کاوه.
 
د سیګار په وینا، د افغانستان له اندېښنو ډکو واقعیتونو نه د پخواني ولسمشر غفلت هم د هغه د ادارې په لومړیو ورځو کې یوه ستونزه وه.
 
د یادولو وړ ده چې د پخواني ولسمشر محمد اشرف غني په تېښته او د نظام په سقوط سره د افغانستان خلک له سیاسي، ټولنیز او اقتصادي اړخه له سختو حالاتو سره مخ شول.