د اسلامي امارت د اطلاعاتو او کلتور وزارت د رسنیو د څارنې رئیس عبدالحق حماد وایي، چې د کابل له هوایي ډګر څخه ترکیې ته د خلکو د لېږدولو اوازې جوړونکي نیول شوي دي.

آوا - کابل: د اطلاعاتو او کلتور وزارت د رسنیو د څارنې رئیس عبدالحق حماد نن پنجشنبه (دلوې ۲۷) په یوه ټویټ کې لیکلي؛ هغه توهين کوونکي چې ځانونه يې د اسلامي امارت د حکومت برخه ګڼله او د هوايي ډګر مخې ته يې د هېوادوالو سپکاوی کاوه هم نيول شوي دي.
 
د یادولو ده، چې د تېرې اوونۍ د چهارشنبې په ماښام هم یو شمېر هېوادوالو د کابل پر هوايي ډګر په لور حرکت وکړ او ادعا شوې وه، چې یاد کسان ترکیې ته لېږدول کېږي.