د افغانستان د فوټبال فدراسیون اعلان کړی چې په پام کې لري د افغانستان د ښځینه فوټبال ملي لوبډله بیا جوړه کړي.

آوا - کابل: د افغانستان فوټبال فدراسیون د یوې خبرپاڼې په خپرولو سره د هېواد په دننه او بهر کې د فوټبال ښځینه لوبغاړو ته بلنه ورکړې چې د نوم لیکنې فورمې ډکې کړي.
 
په خبرپاڼه کې راغلي:«د افغانستان د ښځينه فوټبال ملي لوبډلې د نويو تخنيکي کارکوونکو له هر اړخيزې کتنې وروسته چې ډېر ژر به معرفي شي، وړ لوبغاړي د غوراوي کمپ ته رابلل شوي دي. مشر روزونکی کولای شي هغه لوبغاړي وټاکي چې غواړي په ملي لوبډله کې ولوبیږي.»
 
د یادولو وړ ده چې په هیواد کې د اسلامي امارت په بیا راتګ سره د افغانستان د ښځینه فوټبال ملي لوبډله منحل شوه او فعالیتونه یې ودرول شول.