آوا - کابل: د هېواد مرکزي بانک پرون یکشنبه د سلواغې په ۱۴مه اعلان وکړ چې په هېواد کې د بهرنیو اسعارو د بازار د تنظیم په موخه به د ۱۶ میلیونه ډالرو په ارزښت د داوطلبۍ په بڼه نن دوشنبه، د کب په ١٥مه د لیلام کړي.

 

د هیواد مرکزي بانک د وړ بانکونو او د تبادلې او پیسو خدماتو شرکتونو څخه غوښتنه کوي چې پدې داوطلبۍ کې برخه واخلي او د لیلام ګټونکي مکلف دي چې د لیلام ورځې تر پایه خپل حسابونه تصفیه کړي.

 

د مرکزي بانک په اعلاميه کې راغلي چې د اسعارو د ليلام په ليلامونو کې د راکړې ورکړې جزوي تصفيه اجازه نه لري، د داوطلبۍ ګټونکي مکلف دي چې په ټاکلې موده کې خپل پور په نغدو پيسو د افغانستان بانک ته وسپاري.

 

د یادولو وړ ده چې مرکزي بانک وخت په وخت د بازار د ثبات په خاطر ډالر د لیلام له لارې پلوري.