آوا - د هېواد د کډوالو چارو وزارت پلاوي په ایران کې د مېشتو افغان کډوالو له استازو سره وکتل

د هېواد د کډوالو چارو وزارت پلاوي په ایران کې د مېشتو افغان کډوالو له استازو سره وکتل

د کډوالو او راستنیدونکو چارو وزارت د یوې خبرپاڼې په خپرولو سره په ایران کې د میشتو افغان کډوالو له استازو سره د دغه وزارت د پلاوي د کتنې خبر ورکړی دی.

آوا - کابل: د کډوالو چارو وزارت د یوې خبرپاڼې په خپرولو سره ویلی چې د دغه وزارت ګډ پلاوی په ایران کې د افغان کډوالو له استازو سره لیده کاته کوی.

ويل شوي چې په دې کتنه کې د ايران په سيستان بلوچستان او قم ولايتونو کې د مېشتو افغان کډوالو استازو خپلې ستونزې له دغه پلاوي سره شريکې کړې دي.

په خبرپاڼه کې زیاته شوې، چې دغه پلاوي د کډوالو له استازو سره ژمنه کړې، چې د دوی ستونزې به ژر تر ژره د اسلامي امارت له چارواکو سره شریکې کړي.

ویل شوي، چې د کډوالو چارو وزارت د پلاوي او د کډوالو د استازو ترمنځ په دې کتنه کې په تهران کې د افغانستان سفارت مشر مولوي فضل محمد حقاني هم حضور درلود.