آوا: ارګ په یوه خبرپاڼه کې ویلي، چې دغه کمېسیون د کابل ښاروالۍ د استازو په حضور کې د ۱۴۰۲ مالي کال پر مالي پلان بحث وکړ.

 

د دغه کمیسیون غړو همداراز د آزاد رقابت، رعایتي معاشونو، د ښاروالۍ د ۱۴۰٢ کال لپاره د تثبیت او ټاکلې کوټې له لارې د تخنیکي او مسلکي پوستونو د کارولو په اړه هم خبرې وکړې.

 

د اسلامي امارت د تشکیلاتو او تقاعد د تنظیم کمیسیون ټینګار کړی چې د آزاد رقابت له لارې د مسلکي او تخصصي کارکوونکو استخدام، په دقیق او شفاف ډول د عوایدو راټولولو، پاکوالي، د کابل ښار شنه کولو او د هیوادوالو لپاره د غوره خدمتونو وړاندې کولو ته باید جدي پاملرنه وشي.