د ایران د اسلامي جمهوریت سیمه ایزو چارواکو ویلي دي چې په تیر یوه کال کې د دوغارون له لارې افغانستان ته د دغه هیواد د مالونو صادرات څه دپاسه ۱۵۰ میلیونه ډالرو ته رسیدلي دي.

آوا - کابل: د فایننشل ټریبیون د معلوماتو له مخې، د ۱۵۴.۰۹ میلیون ډالرو په ارزښت ۴۶۱۱۱۳ ټنه توکې له ایران څخه افغانستان ته د دوغارون د سرحدي ترمینل له لارې صادر شوي دي.
 
د ایران د سیمه ییزو چارواکو د معلوماتو له مخې، د ۱۲۹،۹۶۰،۰۰۰ ډالرو په ارزښت ۳۷۶۷۹۲ ټنه او د دوغارون له ګمرک څخه ۸۴۳۲۱ ټنه د ۲۴،۱۳۰ زره ډالرو په ارزښت صادر شوي دي.
 
د دغه راپور پر بنسټ، صادرات د تېر کال په پرتله ۲۰ سلنه کم شوي، چې عمده لامل یې د حکومت له بدلون وروسته د افغانستان اقتصادي وضعیت و.