د اسلامي امارت د بهرنیو چارو وزارت د پاکستان له زندانونو څخه د ۲۵ نورو افغان اتباعو د خوشي کولو اعلان وکړ.

آوا - کابل: د افغانستان د اسلامي امارت د بهرنیو چارو د وزارت د ویاند مرستیال حافظ ضیا احمد نن چهارشنبه (چهارشنبه، جوزا ۱۷) اعلان وکړ چې دغه کسان پرون د پاکستان د سند صوبې له زندانونو خوشې شول او د اسلامي امارت په لګښت افغانستان ته انتقال شول.
 
په یوه ویډیو کې چې د اسلامي امارت د بهرنیو چارو د وزارت د ویاند مرستیال په خپله ټویټر پاڼه خپره کړې، د پاکستان په کراچۍ ښار کې د اسلامي امارت د قونسلګرۍ مشر عبدالجبار تخاري وايي چې په خوشي شویو کې یوه ښځه او اوه ماشومان هم شامل دي.
 
تر دې مخکې هم یو شمېر افغان اتباع د پاکستان له زندانونو خوشې او هېواد ته راستانه شوي وو.
 
د اسلامي امارت له لوري د ورکړل شویو شمېرو له مخې تر اوسه د پاکستان له زندانونو څه باندې ۲۳۴۲ افغانان خوشي شوي دي.