په پکتیکا ولایت کې د اسلامي امارت سیمه ییز چارواکي وايي، د دغه ولایت د خوشامند ولسوالۍ په عمرخېلو کلي کې یې دوه زره کلن لرغوني اثار کشف کړي دي.

آوا: په پکتیکا ولایت کې د اسلامي امارت د اطلاعاتو او کلتور رئیس محمد امین حذیفه وایي، د پکتیکا ولایت د خوشامند ولسوالۍ د عمرخیلو په کلي کې د کوشاني دورې تاریخي اثار موندل شوي، چې د زرګونو کلونو تاریخ لري.
 
محمد امین حذیفه ډاډ ورکړ چې د دغو تاریخي اثارو ساتنه به کوي او لرغونو سیمو ته به جدي پاملرنه کوي.
 
افغانستان د امپراتوریو او حکومتونو د شتون له امله بېلابېل لرغوني اثار لري.