آوا - کندهار: د ننګرهار د عامې روغتیا ریاست چارواکي وايي، چې د لوی اختر په ورځو کې د ترافیکي پېښو له امله ۱۷۰ تنه ټپیان د ولایت او ولسوالیو روغتونونو ته لېږدول شوي او تر درملنې لاندې دي.

 

دوی وايي چې د دغو کسانو په منځ کې دوو تنو خپل ژوند له لاسه ورکړی دی.

 

د افغانستان په نورو ولایتونو کې د اختر ورځې له ترافیکي پېښو پرته نه وې. د اختر په لومړۍ ورځ د باميان ښار او امير بند ترمنځ پر سړک د يوې ترافيکي پېښې له امله څلور تنه ووژل شول او دوه نور ټپيان شول.

 

د موټر چلوونکو بې احتياطي او د هېواد د لويو لارو خرابوالى د دې ډول پېښو له لاملونو څخه بلل کېږي.