د سمنګان د کلیو پراختیا ریاست چارواکي وايي، د دې ولایت په مرکز او حضرت سلطان او فیروز نخچیر ولسوالیو کې د څه باندې دولس میلیونه افغانیو په لګښت د اوبو رسولو د شپږو شبکو د جوړولو چارې پیل شوې.

آوا - مزارشریف: د سمنګانو د کلیو پراختیا ریاست د چارواکو د معلوماتو له مخې، په سمنګان ولایت کې د څه باندې ۱۲ میلیونه افغانیو په لګښت د اوبو رسولو د شپږو شبکو د جوړولو چارې پیل شوې.
 
د دوی په وینا پر دې پروژه ۱۲ میلیونه افغانۍ لګښت راځي او په درېیو میاشتو کې به بشپړ شي.
 
چارواکو زیاته کړه، چې د دې شبکو په بشپړیدو سره به ۱۱۲۵ کورنۍ د څښاک پاکو اوبو ته لاسرسی ولري.