آوا: د پاکستان لومړی وزیر شهباز شریف ویلي، چې د روان کال په اګست میاشت کې به له خپلې دندې استعفا وکړي او تر ټاکنو مخکې به واک موقت حکومت ته وسپاري.

 

ښاغلي شریف زیاته کړه: د پاکستان عمومي انتخابات به په اکتوبر یا نومبر میاشت کې اعلان شي.

 

شریف هم هغه څوک دی چې د خپل یو نیم کال واک په موده کې یې د پاکستان له اقتصادي ننګونو سره مبارزه کړې او د خپل هېواد د بهرنیو اړیکو پالیسي یې ښه کړې ده.

 

شهباز شریف د پاکستان ۲۳م لومړی وزیر او د دغه هیواد د مسلم لیګ ګوند مشر دی، چې د ۱۴۰۱ کال د حمل په میاشت کې د عمران خان له ګوښه کیدو وروسته د دغه هیواد د صدراعظم په توګه وټاکل شو.