د هېواد د رېل پټلۍ رياست وايي، چې د دې ادارې مشر بخت الرحمن شرافت د پاکستان د اورګاډي له مسوولينو سره د خبرو په موخه دغه هېواد ته سفر کړى دى.

آوا - کابل: ټاکل شوې ده چې د دغه سفر په ترڅ کې د افغانستان، ازبکستان او پاکستان د اورګاډي د چارواکو تر منځ د افغان - ټرانس اورګاډي د پروژې د تخنیکي مطالعاتو د پیل په اړه درې اړخیزه غونډه جوړه شي.
 
دا په داسې حال کې ده چې تېره اوونۍ د خواف - هرات اورګاډي پټلۍ د ایران او افغانستان د چارواکو له خوا پرانیستل شوه.