موندنې ښيي چې په برتانیا کې له یو شمېر هوټلونو څخه دایمي کورونو ته د افغان کډوالو د لېږد بهیر چټک شوی دی.

آوا - کابل: یو شمیر افغانان چې برتانیې ته له لیږدولو وروسته ددي هیواد په بیلابیلو سیمو کې هوټلونو کې ځای پرځاي ښوي وو، طلوع نیوز ته ویلي چې په هوټلونو کې یو شمیر کسان دایمي کورونو ته کډه شوي دي.
 
د برتانیا حکومت شاوخوا درې میاشتې وړاندې خبرداری ورکړی و، چې برتانیا ته لېږدول شوي افغانان به له هوټلونو وشړل شي که دوی وړاندیز شوي کورونه رد کړي او پخپله کورونه ونه لټوي.
 
د برتانیا د کورنیو چارو وزارت په یوه اعلامیه کې ۸۰۰۰ افغان کډوالو ته چې د بریتانیا په ۵۹ هوټلونو کې اوسېږي، د ۲۰۲۳ کال د اګست تر پایه له هوټلونو د وتلو وخت ورکړی دی.