د ملګرو ملتونو د خوړو نړیوال پروګرام اعلان کړی، چې تر ۵۰۰ زرو ډېرو کسانو سره یې د حرفوي زده کړو له لارې مرسته کړې او ویلي یې دي، چې د مسلکونو د زده کړې له لارې به افغانان له اقتصادي پلوه په خپلو پښو ودرېږي.

آوا - کابل: د ملګرو ملتونو د خوړو نړیوال پروګرام په خپل ټویټر اکاونټ کې د بادغیس د اوسېدونکې لیلا خبرې خپرې کړی چې ویلی یې دی، د خیاطۍ په زده کړه د خپلې کورنۍ ملاتړ کوی.
 
د خوړو نړیوال پروګرام وايي چې د نویو مهارتونو زده کول به له ښځو سره مرسته وکړي چې ډیر عاید ترلاسه کړي.
 
تر دې مخکې ملګرو ملتونو په افغانستان کې د بشري ناورین د پراخېدو خبرداری ورکړی و.