د کډوالو او راستنیدونکو چارو وزارت وايي، په تېرو دوو اونیو کې له پاکستانه څه باندې ۱۰۰۰ افغان کډوال هېواد ته راستانه شوي دي.

آوا - کابل: د اسلامي امارت د مهاجرینو او راستنیدونکو چارو وزارت د اسد د میاشتې له ۷ نیټې څخه تر ۱۲ نیټې پورې د ۹۲۱ افغان مهاجرینو په خپله خوښه او ۲۵ تنه له بند څخه تر خوشي کیدو وروسته د راستنیدو خبر ورکوي.
 
د اسلامي امارت د مهاجرینو او راستنیدونکو چارو وزارت له دې وړاندې له ایران څخه هیواد ته د زرګونو افغان مهاجرینو د راستنیدو خبر ورکړی و.
 
په تېرو ورځو کې د پاکستاني چارواکو او داعش تر منځ له سیاسي کړکېچ وروسته د پاکستان په بېلابېلو ښارونو کې د افغان کډوالو د نیولو لړۍ ډېره شوې ده.
 
دغه کډوال په داسې حال کې هېواد ته راستانه شوي چې په تېرو دوو کلونو کې سلګونه زره افغانان ګاونډیو هېوادونو ته کډوال شوي دي.