د مهاجرت نړیوال سازمان (IOM) ویلي چې له ایران او پاکستان څخه راستانه شوي افغانان په افغانستان کې یو له خورا زیان منونکو ډلو څخه دي.

آوا - کابل: د دغې موسسې افغانستان څانګې د ایکس شبکې په حواله لیکلي چې یوازې د روان کال په اګسټ میاشت کې د دوی ټیمونو ۵۰۷۴۷ راستنیدونکو ته نغدي، خوراکي او د اړتیا وړ کورني توکي برابر کړي دي.
 
د مهاجرت نړیوال سازمان په وینا دغه افغانان له ګاونډیو هېوادونو راستانه شوي دي.
 
د اسلامي امارت د کډوالو او راستنیدونکو چارو وزارت هم تیره اونۍ له ایران او پاکستان څخه د څه باندې دوه زره افغانانو د راستنیدو خبر ورکړ.