آوا – کابل: د کډوالو چارو وزارت ویاند عبدالمطلب حقانی وایی: د کندهار ولایت د سپین بولدک د سرحدی قوماندانۍ د راپور له مخې، ۷۶۶ کورنۍ چې ۴ زره ۲۱۲ کسان په کې شامل دی.

 

دحقاني دڅرګندونو له مخې: يادې کورنۍ دسپين بولدک په سرحدي اداره کې له ثبتولو وروسته دملګروملتو دسازمان دکډوالو دکميسيون ، دډنمارک دمهاجرت شورا ، د خوړو نړيوال سازمان او دمهاجرت نړيوال سازمان دفترونو ته ور وپيژندل شوې .

 

د باختر آژانس دخبرله مخې: دمهاجرينو دراستنولو دچارو وزارت وياند هم وويل: دننګرهار ولايت دتورخم دسرحدونو رياست دمعلوماتو له مخې له دغې پولې څخه د٢٧٣١ تنو په ګډون ٥٣٤ کورنۍ په جبري ډول هېواد ته راستنې شوې دي .

 

د هغه په ​​وينا، دغه راستانه شوي کسان په مسوولو کمېټو کې له نوم ليکنې وروسته د نورو مرستو په موخه د مهاجرت د نړيوال سازمان دفتر ته ور وپېژندل شول.

 

د يادونې وړ ده، چې پاکستان څو اونۍ وړاندې له دغه هېواده د افغان کډوالو د ايستلو پرېکړه کړې وه.