آوا - کابل: د کډوالو چارو وزارت ویاند عبدالمطلب حقبیان زابل ولایت ته د دغه وزارت د سرپرست د سفر په اړه وویل: په دغه سفر کې د زابل له والي سره د کډوالو د راستنیدو د بهیر په اړه خبرې وشوې. هغه ولایت ته د مهاجرینو شمیر، دوی ته چمتو شوي خدمات او د کاري کمیټو فعالیتونه تشریح کړل.

 

د باختر آژانس د خبرله مخې: د مهاجرينو چارو وزارت سرپرست په دې کتنه کې د مهاجرينو د ميشت ځايونو په تثبيت او پاکوالي ټينګار وکړ او زياته يې کړه: اسلامي امارت به ډير ژر د مهاجرينو د ميشت ځايونو د جوړولو کار پيل کړي.

 

دا په داسې حال کې ده چې پاکستان اوس د افغان کډوالو د جبري ایستلو بهیر پیل کړی او تر دې دمه یې شاوخوا ۴۰۰ زره افغان کډوال له دغه هېواده ایستلي دي.