د کاپیسا ولایت سیمه ییزو سرچینو د دغه ولایت پر اسمان د بې پیلوټه الوتکې د ګزمې خبر ورکړی دی.

آوا - کابل: د سرچینو په حواله، دغه الوتکه پرون سهار ۶ بجو  څخه تر ډیر وخت پوری په دغه ولایت کې ګزمه کوله.

د ځايي سرچينو د معلوماتو له مخې، دغه الوتکه د مرکز تر څنګ د دغه ولايت د يو شمېر ولسواليو په اسمان کې لېدل شوي دي.

تر اوسه معلومه نه ده چې دغه بې پيلوټه الوتکه له کومه ځايه او څنګه د افغانستان هوايي حريم ته ننوتلې ده.

دا په داسې حال کې ده، چې تر دې وړاندې هم په يو شمېر ولايتونو کې د بې پيلوټه الوتکو د ګزمې راپورونه ورکړل شوي وو.

تر اوسه د اسلامي امارت چارواکو په دې اړه څه نه دي ویلي.