د رئیس الوزرا د اقتصادي چارو مرستیال دفتر اعلان کړی، چې ملا عبدالغني برادر په مشرۍ یو پلاوی نن (سه شنبه د قوس ۷ مه) سرپل ولایت ته تللی، ترڅو په سرپل کې د تېلو اته نوي څاګانې پرانیزي. 

آوا - کابل: د اکس په نامه د اقتصاد وزارت د ویاند دفتر خبر ورکړی، چې ملا برادر به د سرپل ولایت په امو سیند حوزه کې د تیلو اته نوې څاګانې پرانیزي.

د امو سیند د نفتو د استخراج چارې یوې چینايي کمپنۍ ته ورکړل شوې او ویل کېږي چې افغانستان هر کال ۵۰۰ میلیونه ډالره عاید لري.

تر دې وړاندې ملا برادر د غوشتپې کانال د لومړي فاز د پرانستلو په موخه له نورو لوړ پوړو چارواکو سره مزارشریف ته تللی و.