د روان کال له پيله تر اوسه په هلمند ولايت کې د دولتي سبزيجاتو او پنبې په فابريکه کې له ٢٠٠ ټنو څخه زيات غوړي توليد شوي دي.

آوا: د دې فابریکې مسوولین وايي، د هېواد د کورنیو تولیداتو د ملاتړ لپاره باید د بهرنیو تولیداتو پر ځای له کورنیو تولیداتو کار واخیستل شي.

د هلمند د سوداګرۍ او پانګونې خونې هم پرېکړه کړې، چې په دغه ولایت کې تولید شوي غوړي د نړۍ بازارونو ته وړاندې کړي.

د يادونې وړ ده، چې اوسمهال د هېوادوالو د اړتيا وړ سبزي غوړي له نورو هېوادونو واردېږي.