د هېواد د ترانسپورت او هوايي چلند وزارت چارواکي له فراه ولایت څخه د ایران بیرجند ښار ته د مسافرو د مستقیم انتقال د پیل خبر ورکوي.

آوا - هرات: د هېواد د ملي راډیو او ټلویزیون د خبر له مخې، د ترانسپورت او هوايي چلند وزارت وايي چې د لومړي ځل لپاره له فراه ولایت څخه ایران ته د ټکسي شرکت پرانیستل شوه.

د دغه وزارت د معلوماتو له مخې، له دې وروسته به د فراه ولایت او د ایران د بیرجند ښار ترمنځ د مسافرینو لېږد د ټکسي په واسطه ترسره شي.

دا په داسې حال کې ده چې له څو کلونو راهیسې له هرات ولایت څخه مشهد ښار ته او برعکس د افغانستان اړوند د نړیوالو ټکسيونو له لارې مسافر لېږدول کېږي چې مسافرو ته یې اسانتیاوې رامنځته کړې دي.