آوا - کابل: د بهرنیو چارو وزارت ویاند عبدالقهار بلخی پرون چهارشنبه د لوۍ په ۴مه په ایکس ټولنیزه شبکه کې لیکلی چې د بهرنیو چارو وزارت سیاسی مرستیال شیر محمد عباس ستانکزی چارواكو د افغانستان لپاره د اروپايي ټولنې له شارژدافير رافيلا ايوديس سره د ليدنې پر مهال د افغانستان او اروپايي ټولنې تر منځ د دوه اړخيزو اړيكو پر پراختيا خبرې وكړې.

 

هغه زیاته کړه، دواړو لورو په روان کال کې له افغانستان سره د اتحادیې د مرستو پر دوام، له پاکستان څخه د افغان کډوالو د جبري شړلو او د هرات له زلزله ځپلو سره د مرستو پر برابرولو هم خبرې وکړې.