د کابل ولایت امنیه قومندانۍ اعلان کړی، چې تېره شپه (یکشنبه، حمل ۵) د پلازمېنې په ۱۸مه ناحیه کې دوه تنه وسله وال سړي تښتوونکي له امنیتي ځواکونو سره په نښته کې وژل شوي دي.

آوا - کابل: د کابل د امنیه قومندانۍ ویاند خالد ځدراڼ په ایکس پاڼه کې لیکلي چې دوه تنه وسله وال سړي تښتوونکي له امنیتي ځواکونو سره په نښته کې وژل شوي دي.

د کابل د امنیه قومندانۍ د ویاند په خبره، تیره شپه درې تنه سړي تښتوونکي د ګزمې پر امنیتي ځواکونو ډزې وکړې.

له دې وړاندې هم داسلامي امارت امنیتي ځواکونو دجګړې په ترڅ کې یو شمیر سړي تښتوونکي وژلي وو.