ده د افغانستان د حکومت پلوي سیاستوالو او دیني عالمانو ته په اشارې ویلي: «دوی ږیرې پرې ایښي، لونګۍ پر سروي او دوه مخي سیاستوال تر دوی هم بدتر دي. تر کفارو هم ناوړه دي.»
ظواهري افغان دیني عالمان او سیاستوال وغندل
افغان غږ آژانس(آوا) , 5 حمل 1391 ساعت 10:31
ده د افغانستان د حکومت پلوي سیاستوالو او دیني عالمانو ته په اشارې ویلي: «دوی ږیرې پرې ایښي، لونګۍ پر سروي او دوه مخي سیاستوال تر دوی هم بدتر دي. تر کفارو هم ناوړه دي.»
د القاعده شبکې مشر ایمن الظواهري پر افغان دیني عالمانو او سیاستوالو په دې خاطر سخت انتقاد وکړ چې د کابل د حکومت ملاتړ کوي.
الظواهري په یوه صوتي پیغام کې، خپور شو د کرزي د حکومت او ناټو له ملاتړ کوونکو وغوښتل چې له حمایته لاس واخلي.
د ظواهري اډیو یا صوتي پیغام، چې یوولس دقیقې دی، د سخت دریځو ډلو په ویبپاڼو کې خپور شوی دی.
ده د افغانستان د حکومت پلوي سیاستوالو او دیني عالمانو ته په اشارې ویلي: «دوی ږیرې پرې ایښي، لونګۍ پر سروي او دوه مخي سیاستوال تر دوی هم بدتر دي. تر کفارو هم ناوړه دي.»
الظواهري چې د تېرکال په جون میاشت کې د اسامه بن لادن له وژل کېدو وروسته د القاعده شبکې قومانده په غاړه اخیستې، پر افغانانو ږغ کړی چې په افغانستان کې د ناټو ځواکونو پرضد له جهاد سره ملګري شي.
د القاعده شبکې مشر اسامه بن لادن د تېر کال د مې په میاشت کې د امریکايي کومانډو ځواکونو له لوري د پاکستان د کاکول پوځي اکاډیمۍ ته څېرمه د ایبټ اباد په یوه خوندي سیمه کې ووژل شو.
ویل کېږي چې الظواهري هم غالباً د پاکستان په خاوره کې پټ دی.
ده افغانانو ته ویلي چې یا له هغو کسانو سره په جګړه کې ملګري شي چې د افغانستان د حکومت او ناټو پرضد جنګېږي او یا دې د ده په وینا د غاصبانو توهین ته غاړه کښېږدي.
ظواهري پر هغې ویډیو سخت انتقاد وکړ چې ظاهراً امریکايي پوځیان د طالبانو پرمړو بولي کوي.
ده پر امریکا تور ولګاوه چې په نورو هیوادونو کې د ازادیو او ولسواکۍ نارې وهي خو عملاً یې خپل چلند د دې خلاف دی.
ده په خپل صوتي پیغام کې د کندهار د پېښې یادونه نه ده کړې او له دې داسي ښکاري چې پیغام یې د پنجوايي تر پېښې مخکې ثبت کړی وي.
د مطلب کود: 38356