د سعودي عربستان وګړي سخروالتایفي، چې د مشتاق او نسیم په نامه هم پیژندل کیده د القاعده د دویمې درجې مشر و.

افغان او ایتلافي ځواکونو تایید کړې، چې د تیرې یکشنبې په ورځ یې په کونړ کې د القاعده یو مهم مشر وژلی دی.

د دغو ځواکونو له خوا په خپره شوې اعلامیه کې ویل شوي، چې د سعودي عربستان وګړي سخروالتایفي، چې د مشتاق او نسیم په نامه هم پیژندل کیده د القاعده د دویمې درجې مشر و.

په خبر پاڼه کې ویل شوي، چې ده به د القاعده د مشرانو احکام انتقالول او د افغانستان او پاکستان ترمنځ یې تګ راتګ راکاوه.

په اعلامیه کې ویل شوي، چې د القاعده دا مشر د کونړ ولایت په وټه پور ولسوالۍ کې د ناټو په یوه هوایي حمله کې وژل شوي.

په خبر کې ویل شوي، چې په دې حمله کې بل چا ته کوم زیان نه دی اوښتی.