ډنمارک او اروپايي ټولنه ژمنه ده چې له افغانستان سره په راتلونکي کې مرستو ته دوام ورکړي.

د دولت د ریاست د مطبوعاتي دفتر له خوا د یو بل خپاره شوي بیان له مخې افغان ولسمشر پرون د ډنمارک د بهرنیو چارو له وزیر ویلي سوېنډل سره هم وکتل.

سوېنډل چې هېواد یې د اروپايي ټولنې دوره یي مشري کوي، وویل، ډنمارک او اروپايي ټولنه ژمنه ده چې له افغانستان سره په راتلونکي کې مرستو ته دوام ورکړي.

په دې کتنه کې دواړو خواوو د افغانستان د دولتي بنسټونو د پیاوړتیا، ډیموکراسۍ او بشري حقونو د حالت په اړه خبرې وکړې.