د کابل جلال اباد په لویه لاره د يوې ټرافيکې پېښې له امله لسو تنو ته مرګ ژوبله اوښتې.
د لغمان د والي ویاند ازادۍ راډيو ته ویلي، چې دغه ټرافيکي پېښه د شنبې په ورځ شاوخوا درې بجې د دې ولایت د سرخکانو په سیمه کې رامنځته شوې.
د نوموړي په خبره دا پېښه د سراچه او لارۍ موټر د ټکر له امله رامنځته شوې، چې په کې پينځه ميرمنې او یو سړی وژل شوي او څلور تنه نور ماشومان ټپیان شوي.
ټپیان د جلال اباد مرکزي روغتون ته لیږدول شوي، چې اوس د درملنې لاندې دي.
د یادونې وړ ده، چې د کابل جلال اباد هغه خونی لاره ده، چې ډير وخت ترې د دا ډول ټرافيکي پېښو رپوټونه خپريږي.
دریافت صفحه با کد QR