کد QR مطلبدریافت صفحه با کد QR

د قزاقستان د بهرنیو چارو وزیر او راسموسن د افغانستان د امن په اړه خبرې وکړې

د صدای افغان خبری آژانس(آوا) , 14 دلو 1391 ساعت 13:33


د قزاقستان د بهرنيو چارو وزير او د ناټو عمومي منشي تر ۲۰۱۴م کال وروسته د افغانستان د امن د ټينګېدو پر لارو چارو خبرې وکړې.

"ايرلان ادريسوف "او انډريس فوګ راسموسن" پرون په بروکسل کې په دې اړه خبرې وکړې.

د قزاقستان د بهرنيو چارو وزير ښاغلي ادريسوف خبريالانو ته وويل:

”په افغانستان کې د امن په ټینګېدو کې زموږ همکاري، په ځانګړي ډول تر ۲۰۱۴م کال وروسته چې د ايتلافي ځواکونو اکثريت له دې هېواده وځي، د ناټو لپاره يقيناً مهم رول لري.”

د افغانستان د راتلونکي امن په اړه په داسې حال کې خبرې کېږي؛ چې ټاکل شوې اکثريت بهرني جنګي ځواکونه په ۲۰۱۴م کال کې له افغانستانه ووځي او د امنيتي چارو زيات مسووليت افغان امنيتي ځواکونو ته وسپاري.


د مطلب کود: 57788

دمطلب پته :
https://www.avapress.com/ps/news/57788/د-قزاقستان-بهرنیو-چارو-وزیر-او-راسموسن-افغانستان-امن-په-اړه-خبرې-وکړې

آوا
  https://www.avapress.com