د کورنیو چارو وزارت وايي د پاکستاني طالبانو د تحریک زرګونه غړي له افغان طالبانو سره په همکارۍ کې د دغه هېواد د امنیت د خرابولو په لټه کې دي.
د یاد وزارت ویاند صدیق صدیقي چې نن یې د ایساف او ناټو له ویاندویانو سره په یوه ګډه خبري غونډه کې خبرې کولې ویې ویل چې طالبان پلان لري څو د امنیتي مسوولیتونو د انتقال پروسې او راتلونکي انتخابات له خنډ سره مخ کړي.
ښاغلي صدیقي له نړیوالې ټولنې وغوښتل چې ددغو مخالفینو په له منځه وړلو کې له افغان حکومت سره همکاري وکړي.