د هلمند چارواکې وایي چې؛ د افغانستان د ملي اردو ځانګړو ځواکونو په دې ولایت کې د عملیاتو پر مهال اتلس وسله وال مخالفین وژلي او په سنګین ولسوالی کې یې د طالبانو ولسوال ملاجان او د هغه یو ساتونکی نیولې دې.
د هلمند د والي ویاند عمر ځواک آزادي راډیو ته وویل چې ځانګړو ځواکونو دغه عملیات د دې ولایت په سنګین ولسوالی کې ترسره کړي دي.
عمر ځواک وایي چې؛ په دې عملیاتو کې د ملي اردو ځانګړو ځواکونو پنځوس میله درنې او سپکې وسلې او څلویښت میله تمانچې هم ترلاسه کړي دي.
وسله والو طالبانو تر اوسه په دې هکله څه نه دي ویلي.