د اسلامی امارت د بهرنیو چارو وزارت اعلان کړی چې تمه ده د ناروې د اوسلو په غونډه کې د بېلابېلو وزارتونو استازي ګډون وکړي څو د افغانستان پر پرمختګونو خبرې وکړي.

په قرغزستان کې د منځنۍ اسیا د هېوادونو او د اروپا د شورا رئیسانو د خپلې دویمې سیمه ییزې غونډې په پای کې د یوې ګډې اعلامیې په ترڅ کې د نړیوالې ټولنې د مرستو پر زیاتوالي، د افغانستان د باثباته کولو په برخه کې پر پراختیا ټینګار وکړ.

د اسلامي امارت د بهرنیو چارو وزارت په کابل کې د یوه کنفرانس په ترڅ کې له هیوادونو او نړیوالو مرستندویه موسسو وغوښتل چې په افغانستان کې د وروستیو طبیعي پیښو له قربانیانو سره مرسته وکړي.

ذبیح الله مجاهد له افغانستان څخه د وروستي امریکايي سرتېري د وتلو د کلیزې په مناسبت دغه وتل یوه ستره بریا وبلله او نړیوالې ټولنې ته یې د تېرو شلو کلونو د راتلونکي لپاره ښه لارښود وباله.

په قطر کې د اسلامي امارت د سیاسي دفتر مشر سهیل شاهین د یو ټویټ په خپرولو سره پر افغانستان د نړیوالې ټولنې بندیزونو ته اشاره کړې او د نیمګړو پروژو د تمویل په بیا پیلولو کې د ملګرو ملتونو ځنډ د بشري ناورین لامل بولي. دده په وینا؛ عام خلک د نړیوالو بندیزونو اصلي قربانیان دي.