د جوزجان ولایت امنیه قومندانۍ چارواکي په دغه ولایت کې د الکولو د تولید د یوې فابریکې د له منځه وړلو خبر ورکوي.

د اسلامي امارت د امنیې قومندانۍ د کابل - جلال آباد پر لویه لار د ترافيکي پېښې له امله د پنځو تنو د وژل کېدو او یو تن د ټپي کېدو خبر ورکوي.

د فراه ولایت سیمه ییز چارواکي وايي، د دغه ولایت په پشتکوه ولسوالۍ کې د یوې کورنۍ درې غړي د زهرو په خوړلو مسموم شوي دي.

د لوګر سیمه ییزو چارواکو د دغه ولایت په مرکز کې د باران له امله د یوه کور د چت د لوېدو له امله د دوو ښځو او دوو ماشومانو د وژل کېدو خبر ورکړی دی.

مالیزیا رسنیو د انځورونو په خپرولو سره اعلان کړی چې په دغه هېواد کې د دوو پوځي چورلکو له ټکر وروسته د چورلکو ټول سپرلۍ وژل شوي دي.

د ترافيکو د عمومي رياست چارواکي وايي، په هېواد کې د ترافيکي پېښو د مخنيوي په موخه په پنځو لويو لارو کې نوی ترافيکي پلان عملي کوي.

د بغلان ولايت د امنيې قوماندانۍ مسوولين وايي چې په دغه ولايت کې يې د هاوان ٢٢ فيره مرمۍ، د پرسونل ضد ماين يوه ډيپو او د وسلو يوه ډيپو کشف کړې ده.

د کورنیو چارو وزارت چارواکي وايي، په ننګرهار ولایت کې یې د "د "پیمان آیس کریم" شرکت درې کارکوونکي د غلا په جرم ونیول ، دغه کارکوونکي د دغه شرکت د ۴۵۰ زره افغانیو د پیسو د غلا په تړاو نیول شوي دي.

د بدخشان سیمه ییز چارواکي وايي، په تېره یوه میاشت کې په دغه ولایت کې د ترافیکي پېښو په ترڅ کې ۲۲ تنه وژل شوي او ۲۸ نور ټپیان شوي دي.

د افغانستان د ترانسپورت او هوايي چلند وزارت د هوا پېژندنې اداره وايي، سبا (یکشنبه د ثور ۲مه) د افغانستان په ۱۹ ولایتونو کې د واورې او باران د ورېدو امکان شته.

په هلمند ولایت کې د سختو بارانونو او سیلابونو له امله ګڼ کورونه ویجاړ شوي دي. په دغو پېښو کې ۹ تنه مړه او ۵ تنه نور ټپیان شوي دي.

د بامیان ولایت سیمه ییز چارواکي وايي، په دغه ولایت کې د یوه کور د چپه کېدو له امله د یوې کورنۍ درې غړي وژل شوي دي.