حکومت دې د دایکنډي د ناورین د څېړلو لپاره یوه کمېټه وټاکي!

افغان غږ خبری آژانس - کابل: حجت الاسلام والمسلمین سید عیسی حسینی مزاری د دایکندی ولایت د هغه ناورین په غبرګون کې چې په ترڅ کې یې د ماشومانو په ګډون ۸ تنه وژل شوی، لاندې پیغام خپور کړی دی.
په دايکنډي کې څه روان دي؟!
په دايکنډي کې داسې ناورين رامنځته شوى، چې له يوې خوا يې د خلکو او په ځانګړې توګه د دې ولايت اوسېدونکي اندېښمن کړي او له بلې خوا يې د کورنيو او بهرنيو رسنيو د ناخبرو او متعصبو رسنيو لپاره د تبليغاتو زېرمه جوړه کړې ده.
که څه هم د عقیدې د طریقې او د دې پیښې لاملونو په اړه مفصل مشهور روایتونه شتون لري، که چیرې په سمه توګه منعکس شي، نو حقایق به ښه روښانه شي، او په ځانګړې توګه خلک د حق او باطل د پروسې او د اساسي حقوقي شخړو په اړه وپوهیږي، خو حکومت ته پکار ده چې د کابل، نیلي او دایکنډي له ولسوالیو څخه د حقیقي او حقوقي اشخاصو په ترکیب کې یو بورډ وټاکي، څو د دې لاملونو ښکاره او پټې پرتې وڅېړي. او د خلکو ته عاملین او مجرمین معرفي کړي، بیا یې مجازات کړي، هغه کورنیو ته چې په ناحقه یې خپل ژوند له لاسه ورکړی وي، تسلیت ورکړي او لږ تر لږه مالي تاوان ورکړي.
که نه نو دا ډول پیښي به وخت په وخت د هیواد په هر ګوټ کې پیښیږي، پرته له دې چې د کیسې له زاویو تعقیب، څیړنه او روښانه شي او د ولس او دولت له لوري وظیفه ترسره شي او نه به په راتلونکي کې د اسلامي امارت لپاره کومه سرشیندنه رامنځته شي.
۵ قوس ۱۴۰۱ شمسی‌
دا په داسې حال کې ده چې تر دې دمه د دایکندي ولایت د پېښې په اړه د اسلامي امارت مسؤلینو او رسمي ویاندویانو غبرګون نه دی ښودلی، خو دا پیښه له ډیرو غبرګونونو سره مخ شوې لامل يي څرکند شوي نه دي.