د کانکور د ازموينې موده څلورو ساعتونو ته لوړه شوه

افغان غږ خبری آژانس - هرات: د ملي آزموینو رئیس شیخ عبدالباقي حقاني هرات ولایت ته د خپل سفر په ترڅ کې د هرات له والي شیخ نوراحمد اسلام جار سره وکتل.
 
په دې کتنه کې هغه د کانکور په ازموينه کې د زياتو اسانتياوو د برابرولو خبر ورکړ.
 
د هغه په ​​وينا، د ازموينې وخت له دوه نيمو ساعتونو څخه څلورو ساعتونو ته لوړ شوى دى.
 
ښاغلي حقاني همدا راز زیاته کړه: د هغو کسانو د ښه پوهیدو په خاطر چې په پښتو او دري ژبو پوره پوهه نه لري عربي او انګلیسي ژبې اضافه شوي او د سږني کال د ازموینې پوښتنې په څلورو ژبو چمتو شوي دي: پښتو، دري، عربي او انګلیسي.
 
له بلې خوا د هرات والي شیخ نوراحمد اسلامجر د کانکور په ازموینه کې د اسانتیاوو د رامنځته کولو د ستاینې په ترڅ کې د دیني او معاصرو علومو پر زده کړې ټینګار وکړ.
 
نوموړي همدا راز له مرکزي چارواکو وغوښتل، چې ځوانانو ته د ساینس د زده کړې په برخه کې نورې اسانتیاوې برابرې کړي.
 
ټاکل شوې ده چې په دوو ورځو کې د پنجشنبې او جمعې په ورځو کې په هرات کې د کانکور ازموينې لپاره په زرګونو تنه نوماندان د هرات پوهنتون له خوا په ازموينه کې ګډون وکړي.