د هېواد د اطلاعاتو او فرهنګ وزير د هرات له تاريخي ګودامونو څخه د ليدنې پر مهال د دغه ولايت د تاريخي آبداتو د ساتنې او بيارغونې لپاره د مرکزي حکومت پر جدي پاملرنې ټينګار وکړ.

د اطلاعاتو او فرهنګ وزارت سرپرست ملا خيرالله خيرخواه د هېواد د شاعرانو د درناوي په مناسبت په کابل کې په جوړ شوي علمي او فرهنګي سيمينار کې وويل چې شاعران د ټولنې ژبه ده او د هغوى شعرونه بايد د اسلام او هیواد دفاع، د هیوادوالو د یووالي، د نظام په ملاتړ او بقا او د هیواد پرمختګ سبب شي.