د افغانستان د ګاونډیو هېوادونو د خاصو استازو غونډه پرون سه شنبه د حوت په ۱۶ مه په تاشکند کې جوړه شوه چې په افغانستان کې د اوسنیو پرمختګونو او په دغه هېواد کې د حالاتو د تنظیمولو لپاره د ښکېلو خواوو د دوه اړخیزو همکاریو د ارزونې په موخه جوړه شوه. په ورته وخت کې ټاکل شوې د افغانستان په اړه د ملګرو ملتونو د امنیت شورا نوې غونډه هم جوړه شي.

د پاکستان استازي د تاشکند په نړیواله غونډه کې وویل چې په افغانستان کې د اقتصادي بحران د حل لپاره باید د امریکا بندیزونه لغوه شي او د افغانستان شتمنۍ باید آزادې شي.

آوا - ورځني کتنه: لکه څنګه چې د بهرنیو چارو وزیر په خبرو کي ټینګار شوی، افغانستان چې اوس د ډېرو هېوادونو له خوا د کړکېچ، ناامنۍ، بې ثباتۍ او ملي امنیت ته د ګواښ د مرکز په سترګه کتل کیږي، حال دا چي د لویو لوبغاړو د مشروع ګټو پر بنسټ د تقاطع نقطه، د نښلولو محور او د رغنده همکارۍ ډګر وګرځي او سیمه د ودې او اقتصادي پرمختګ او امنیتي ثبات د نوي پړاوونو په ...