د کورنيو چارو وزارت وياند وايي، چې د نشه يي توکو پر وړاندې د مبارزې پوليسو په ۸ ولايتونو کې د نشه يي توکو څو فابريکې کشف او د نشه يي توکو د قاچاق او پلور په تړاو يې ۳۱ کسان نيولي دي.

د کورنیو چارو وزارت له نشه يي توکو سره د مبارزې معینیت وايي چې د اسلامي امارت له واکمنۍ وروسته یې له ټول هېواد څخه په نشه يي توکو څه باندې سل زره روږدي کسان راټول کړي او روغتیايي مرکزونو ته یې معرفي کړي دي.

په غور ولايت کې امنيتي مسوولين وايي چې په دغه ولايت کې يې د نشه يي توکو اووه فابريکې کشف او له منځه وړي دي.

د کورنیو چارو وزارت د کوکنارو د کښتونو د اړولو د کمپاین په دوام کې وايي، د نشه يي توکو پر وړاندې د مبارزې منسوبینو په ننګرهار، کندهار، بغلان، کنړ، بدخشان او کندز ولایتونو کې ۲۲۴ جریبه ځمکه له کوکنارو پاکه کړې ده.

د کوکنارو د اړولو د لړۍ په دوام د کورنیو چارو وزارت ویاند عبدالنافع ټکور وايي، په کونړ، لغمان او سرپل ولایتونو کې یې سلګونه جریبه ځمکه د نشه يي توکو پر وړاندې د مبارزې منسوبینو لخوا د کوکنارو د کښت څخه پاکه شوه.

د کورنیو چارو وزارت وايي، د نشه يي توکو پر وړاندې د مبارزې پولیسو په لغمان، خوست او هرات ولایتونو کې ۴ جریبه ځمکه د کوکنارو له کښت څخه پاکه کړې او د نشه يي توکو د پلور په تړاو یې ۶ تنه نیولي دي.