روسیه پر اوکراین تور لګوي چې هڅه کوي د اټومي پيښي لامل شي

افغان غږ خبری آژانس: یو کال وړاندې په اوکراین کې د جګړې له پیل راهیسې مسکو په پرله پسې ډول کییف تورن کړی چې د غیر روایتی وسلو د عملیاتو لپاره بیولوژیکي او راډیو اکتیف مواد کاروي، خو تر اوسه داسې کومه پېښه نه ده رامنځ ته شوې.
 
د ناسمو معلوماتو د خپرولو لپاره د سپکو هڅو په توګه دا ډول تورونه ردوي، کییف او متحدینو یې پر مسکو تور لګولی چې دا ډول پیښې یې پلان کړي ترڅو اوکراین ته منسوب کړي.
 
د ایران پرس د خبري آژانس د راپور له مخې د روسیې د دفاع وزارت د یکشنبې په ورځ یوه بیانیه خپره کړه او اعلان یې وکړ چې راډیو اکتیف مواد له یو اروپايي هیواد څخه اوکراین ته لیږدول شوي او کییف د دې پراخ پارونې لپاره تیاری نیسي.
 
په دې بیانیه کې د دې پارونکي اقدام هدف د روسیې پوځ په اوکراین کې د خطرناکو راډیو اکټیو په تاسیساتو باندې د حملې تور لګول دی چې د راډیو اکټیو موادو د خپریدو او د دې سیمې د ککړتیا سبب کیږي.
 
د اوکراین جګړه چې له ټولو پراخو سیاسي، پوځي، اقتصادي، ټولنیزو او حتی کلتوري پایلو سره په دولسمه میاشت کې ده، لویدیځ هېوادونه لا هم اوکراین ته وسلې لېږي.
 
روسي چارواکو او ځینو غربي کارپوهانو او رسنیو د اوکراین جګړه د لویدیځ او روسیې تر منځ د نیابتي جګړې په توګه یاده کړې ده.