د ایران د اسلامي جمهوریت د خراسان رضوي د پولو د ساتونکو قوماندان مجید شجاع په تیرو لسو ورځو کښې له دغه هیواده د ۲۴۸۸۴ افغان مهاجرینو د ایستلو اعلان وکړ.

د اسلامي امارت د مهاجرینو او راستنیدونکو چارو وزارت اعلان کړی چې له ایران څخه د افغان مهاجرینو د راستنیدو په لړ کې تیره ورځ شاوخوا دوه زره افغان مهاجرین له ایران څخه هیواد ته راستانه شول.

د افغانستان او ایران د اسلامي جمهوریت ترمنځ د اسلام قلعه دوغارون پولې د تړلو په اړه د راپورونو له خپرېدو وروسته، ایراني رسنیو د دغه هېواد د چارواکو په حواله خبر ورکړی، چې دغه پوله نه ده تړل شوې او د پخوا په څېر یې فعالیتونه دوام لري.

د اسلامي امارت د صنایعو او سوداګرۍ وزارت ویلي دي چې د ایران له اسلامي جمهوریت سره تر خبرو اترو وروسته د افغانستان او ایران ترمنځ د «اسلام قلعه» مهمه پوله ۲۴ ساعته خلاصه شوه.

د اسلامي امارت د مهاجرینو او راستنیدونکو چارو وزارت اعلان کړی، چې د ۲۹۸ تنو په ګډون ۵۳ افغان کډوالې کورنۍ له پاکستان څخه هېواد ته راستنې شوې دي.

د اسلام قلعه ګمرک چارواکي وايي، چې د روان کال له لومړۍ ورځي څخه تر ۱۴۰۱ کال د جدي پورې له دغه ګمرک څخه څه باندې ۸ میلیارده او ۱۲۱ میلیونه افغانۍ عواید ترلاسه شوي دي.