د ترکیې د حرفوي خوندیتوب او روغتیا شورا په دغه هېواد کې په ۲۰۲۳ کال کې د مړو شویو کارګرانو احصایې اعلان کړې چې له مخې یې د ۱۹۳۲ کسانو په لېست کې د ۱۸ افغان کارګرو نومونه هم شامل دي.

د ایران د فارس ولایت په مرکز شیراز کې د ګچي په کلي کې د کثافاتو د راټولولو په یوه ورکشاپ کې څلور افغان کارګران چې د یوې کورنۍ غړي وو او یو په بل پسې د خپلو همکارانو د ژوند د ژغورلو په موخه په زهرجنو ګازونو یوه څاه ته ننوتلي وو، په ګازو نیولو له امله خپل ژوند له لاسه ورکړي دي.