د اروپايي ټولنې د ملکي وګړو د خوندیتوب او بشري مرستو ریاست اعلان کړی چې د هرات زلزله ځپلو ته د ۵۸ ټنو بشري مرستو یوه بله جوپه کابل ته راورسېده.

په افغانستان کې د چین سفارت سفیر ژاو شینګ د اسلامي امارت د بهرنیو چارو وزارت له سیاسي مرستیال شیرمحمد عباس ستانکزي سره په کتنه کې د هرات له زلزله ځپلو کورنیو سره د پنځوس زره ډالرو مرستې په ترڅ کې وویل: خپلو مرستو ته به دوام ورکړي.

د کډوالو په چارو کې د ملګرو ملتونو عالي کمېشنرۍ د هرات زلزله ځپلو ته د بېړنیو اړتیاوو د پوره کولو لپاره د ۱۴.۴ میلیونه ډالرو غوښتنه کړې ده.

د متحده عربي اماراتو د بهرنیو چارو وزارت وايي، دغه هېواد په هرات ولایت کې د زلزلې ځپلو کورنیو ته د خوراکي توکو د بستې او ۵۰۰ خیمو په ګډون ۵۳ ټنه امدادي مواد ورلېږلي دي.

د چین د بهرنیو چارو وزارت مرستیال په بیجینګ کې د افغانستان د سفارت له مشر سره په لیدنه کې ویلي چې هېواد به یې په هرات کې د وروستۍ زلزلې له قربانیانو سره د ۳۰ میلیونه یوانو په ارزښت مرسته وکړي.

د کډوالو په چارو کې د ملګرو ملتونو عالي کمېشنرۍ په افغانستان کې له وروستیو زلزلو سره د مقابلې لپاره د ۱۴.۴ میلیون ډالرو مرستې غوښتنه کړې ده.

د طبیعي پېښو پر وړاندې د مبارزې وزارت مرستیال وايي، له ازبکستان څخه نږدې سل ټنه بشري مرستې چې خوراکي توکي، خېمې او کمپلې په کې شاملې دي، د هرات له زلزله ځپلو سره د مرستې لپاره افغانستان ته رسېدلې دي.

په افغانستان کې د جاپان سفارت اعلان کړی چې هېواد به یې د هرات ولایت زلزله ځپلو کورنیو ته بېړنۍ مرستې ولېږي.

د عامې روغتیا وزیر قلندر عباد د ایران د اسلامي جمهوریت د خراسان رضوی د سرې میاشتې ټولنې له اجراییه رییس سره په کتنه کې په هرات کې د دغه هېواد د سرې میاشتې ټولنې له شتون څخه د مننې او قدردانۍ په ترڅ کې وویل: موږ د دغه هېواد د سرې میاشتې ټولنې له شتون څخه مننه کوو. د روغتیا په برخه کې د ایران له اسلامي جمهوریت سره د همکاریو د دوام لپاره د ایران د اسلامي ...