افغان غږ خبری آژانس - کابل: د افغانستان د شیعه علماو شورا د
افغان غږ خبری آژانس خبری آژانس سره په خبرو کې، د دغې پیښې د ټولو قربانیانو او ټپیانو له کورنیو سره خپله خواخوږي څرګنده کړه او د خدای تعالی له درباره یې شهیدانو ته د فردوس جنت او ژوندي پاتې شوو ته د عاجل شفا غوښتنه وکړه.
په هېواد کې د وروستیو طبیعي پېښو په اړه د افغانستان د شیعه علماوو شورا د اعلامیې بشپړ متن په لاندې ډول دی:
بسم الله الرحمن الرحیم
عن النبي(ص ) : مَنْ أَصْبَحَ لاَ يَهْتَمُّ بِأُمُورِ اَلْمُسْلِمِينَ فَلَيْسَ مِنْهُمْ وَ مَنْ سَمِعَ رَجُلاً يُنَادِي يَا لَلْمُسْلِمِينَ فَلَمْ يُجِبْهُ فَلَيْسَ بِمُسْلِمٍ.
د افغانستان مسلمان او شریف ولس چې په دې وروستیو کې ډیر کړاوونه زغمي؛ په دې ورځو کې د ویجاړونکو سېلابونو په ګډون طبیعي پېښو دغو خلکو ته جدي او پراخ زیانونه اړولي دي. په ځانګړې توګه په بغلان ولایت کې خلکو ته درانه ځاني او مالي زیانونه اوښتي دي. د راپورونو له مخې، په سلګونو کسان وژل شوي او زرګونه کورونه له ټولو اړینو وسایلو او تجهیزاتو سره ویجاړ شوي او همدارنګه په لویه کچه څاروي له منځه تللي دي.
د افغانستان د شیعه علماوو سرتاسري شورا د شهیدانو کورنیو ته د تسلیت مراتب وړاندې کوي او شهیدانو ته د فردوس جنت او ټپیانو ته د عاجل شفا غوښتنه کوۍ، په همدې موخه له ټولو مؤمنانو، خیریه بنسټونو او د تقلید له چارواکو په ځانګړې توګه له سرپرست حکومت څخه غوښتنه کوي، چې ژر تر ژره دې د قربانیانو سره هر ډول مرسته وکړي او لږ تر لږه د دې لارې د خلکو کړاوونه یو څه راکم کړي او خپل اسلامي او انساني دنده ترسره کړي.
د افغانستان د شیعه علماوو شورا